- ភ្ជាប់ទៅគេហទំព័រដទៃ
- សារអេឡិចត្រូនិច
-
- ថ្ងៃពុធ ទី១៩ ខែមិថុនា ឆ្នាំ២០១៣
អំពីក្រសួងវប្បធម៌ និង វិចិត្រសិល្បៈ
ក្រសួងវប្បធម៌ និង វិចិត្រសិល្បៈ ត្រូវបានរាជរដ្ឋាភិបាលកម្ពុជាប្រគល់បេសកកម្មឲ្យដឹកនាំ និងគ្រប់គ្រងវិស័យវប្បធម៌ និង វិចិត្រសិល្បៈ នៃព្រះរាជាណាចក្រកម្ពុជា។
ក្រសួងវប្បធម៌ និង វិចិត្រសិល្បៈ មានមុខងារ និងភារកិច្ច ដូចតទៅ៖
- ប្រតិបត្តិនូវនយោបាយការពារ ថែរក្សា និង លើកតម្លៃបេតិកភណ្ឌវប្បធម៌ជាតិ និង សម្បត្តិវប្បធម៌ទូទៅនៃព្រះរាជាណាចក្រកម្ពុជា គ្រប់គ្រងរមណីយដ្ឋានវប្បធម៌ បុរាណវិទ្យា នរវិទ្យា និង ប្រវត្តិវិទ្យា
- ផ្តុំឡើងវិញ និង លើកតម្កើងបណ្តាតម្លៃវប្បធម៌ និង ជំនឿទំនៀមទម្លាប់ ប្រពៃណីរបស់សង្គមជាតិបំផុសការបង្កើតស្នាដៃ ផ្សព្វផ្សាយ និង អភិវឌ្ឍន៍សកម្មភាពវប្បធម៌
- ជាអាណាព្យាបាលបច្ចេកទេសលើសាកលវិទ្យាល័យភូមិន្ទវិចិត្រសិល្បៈ ក្នុងការបណ្តុះបណ្តាលសិល្បករ តន្ត្រីករ ស្ថាបត្យករ បុរាណវិទូ និង អ្នកជំនាញផ្សេងៗទៀតដែលពាក់ពន្ធ័នឹងវិស័យវប្បធម៌ ដោយសការជាមួយក្រសួងអប់រំ យុវជន និង កីឡា។
ក្រសួងវប្បធម៌ និង វិចិត្រសិល្បៈ មានរចនាសម្ព័ន្ធដូចតទៅ៖
ក. ថ្នាក់កណ្តាល៖
-ខុទ្ទកាល័យ រដ្ឋមន្ត្រី
-អធិការដ្ឋាន
-នាយកដ្ឋាន សវនកម្មផ្ទៃក្នុង
-អគ្គនាយកដ្ឋានរដ្ឋបាល និង ហិរញ្ញវត្ថុ
-អគ្គនាយកដ្ឋាន បច្ចេកទេសវប្បធម៌
-អគ្គនាយកដ្ឋានបេតិកភណ្ឌ
-សាលាមធ្យមវិចិត្រសិល្បៈ។
ខ. អង្គភាពមូលដ្ឋាន៖
-មន្ទីរវប្បធម៌ និង វិចិត្រសិល្បៈ ខេត្ត-រាជធានី
-ការិយាល័យវប្បធម៌ និង វិចិត្រសិល្បៈ ស្រុក-ខណ្ឌ-ក្រុង។
គ. គ្រឹះស្ថានសាធារណៈ៖
-សាកលវិទ្យាល័យភូមិន្ទវិចិត្រសិល្បៈ។