- ភ្ជាប់ទៅគេហទំព័រដទៃ
- សារអេឡិចត្រូនិច
-
- ថ្ងៃព្រហស្បតិ៍ ទី២៣ ខែកុម្ភៈ ឆ្នាំ២០១២
អគ្គនាយកដ្ឋានរដ្ឋបាល និងហិរញ្ញវត្ថុ
អគ្គនាយកដ្ឋានរដ្ឋបាល និងហិរញ្ញវត្ថុ មានមុខងារដូចតទៅ៖
- គ្រប់គ្រងការងាររួមមានៈ រដ្ឋបាល បូកសរុប របាយការណ៌ ឯកសារ បុគ្គលិក ផែនការ សិ្ថតិ ហិរញ្ញវត្ថុ សម្ភារៈបរិក្ខារ ការងារបណ្តុះបណ្តាលក្របខ័ណ្ឌក្រសួង ការងារសហប្រតិបតិ្តការវប្បធម៌អន្តរជាតិ និងកិច្ចការអាស៊ាន ការងារសិទ្ធិអ្នកនិពន្ធ និងសិទិ្ធប្រហាក់ប្រហែល និងនីតិកម្ម
- សម្របសម្រួលរាល់សកម្មភាពរដ្ឋបាលនៅក្នុងក្រសួង ជាមួយបណ្តាអង្គភាពមួយដ្ឋានខេត្ត-រាជធានី និងជាមួយបណ្តាក្រសួងនានា។
អគ្គនាយកដ្ឋានរដ្ឋបាល និងហិរញ្ញវត្ថុ មាននាយកដ្ឋានចំណុះចំនួន៨ និងសាលាបណ្តុះបណ្តាលក្របខ័ណ្ឌវប្បធម៌ថ្នាក់សើ្មនាយកដ្ឋាន៖
១- នាយកដ្ឋាន រដ្ឋបាលទូទៅ
២- នាយកដ្ឋាន បុគ្គលិក
៣- នាយកដ្ឋាន នីតិកម្ម
៤- នាយកដ្ឋាន គណនេយ្យ និង ហិរញ្ញវត្ថុ
៥- នាយកដ្ឋាន សម្ភារៈនិងបរិក្ខារ
៦- នាយកដ្ឋាន ផែនការ សិ្ថតិ និង សរុប
៧- នាយកដ្ឋាន សិទិ្ធអ្នកនិពន្ធ និង សិទិ្ធប្រហាក់ប្រហែល
៨- នាយកដ្ឋាន សហប្រតិបតិ្តការវប្បធម៌អន្តរជាតិ និង កិច្ចការអាស៊ាន
៩- សាលា បណ្តុះបណ្តាលក្របខ័ណ្ឌវប្បធម៌។
នាយកដ្ឋានរដ្ឋបាលទូទៅ មានភារកិច្ចដូចតទៅ៖
- សម្របសម្រួលសកម្មភាពគ្រប់ផ្នែករបស់ក្រសួងនៅថ្នាក់កណ្តាល និងរវាងថ្នាក់កណ្តាល និងអង្គភាពមូលដ្ឋានក្រោមឱវាទ
- គ្រប់គ្រង និងចរាចរឯកសាររដ្ឋបាលផ្សេងៗរបស់ក្រសួង
- ធានាប្រសិទ្ធភាព សុវត្ថិភាពរដ្ឋបាល
- រក្សា និងតម្កល់ឯកសាររបស់ក្រសួង
- គ្រប់គ្រងប្រពន្ធ័ពត៌មានវិទ្យា
- ធ្វើរបាយការណ៍ពីសកម្មភាពការងាររបស់ខ្លួន
- ទទួលអនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន។
នាយកដ្ឋានបុគ្គលិក មានភារកិច្ចដូចតទៅ៖
- គ្រប់គ្រងផ្នែករដ្ឋបាលមន្រ្តីរាជការ និងភ្នាក់ងាររាជការរបស់ក្រសួង ដោយធ្វើទំនាក់ទំនងនឹងរដ្ឋលេខាធិការដ្ឋានមុខងារសាធារណៈ
- រៀបចំរាល់លិខិតរដ្ឋបាលសម្រាប់ការគ្រប់គ្រងអាជីព
- ធ្វើកម្មវិធីពីតំណែង ឯកទេស និង ធនធានមនុស្សរបស់ក្រសួង
- វាយតម្លៃតម្រូវការ ក្នុងការបណ្តុះបណ្តាលបុគ្គលិក និងពិនិត្យបញ្ជូនមន្រ្តីជំនាញទៅធ្វើសុក្រឹតការឬបន្តការសិក្សានៅក្នុង និងក្រៅប្រទេស
- រៀបចំនយោបាយបណ្តុះបណ្តាលដំបូង និងបន្ត ដោយធ្វើទំនាក់ទំនងនឹងរដ្ឋលេខាធិការដ្ឋានមុខងារសាធារណៈដើម្បីអនុវត្តនយោបាយនោះ
- រៀបចំការប្រឡងជ្រើសរើសបញ្ចូលក្របខ័ណ្ឌក្រសួងឲ្យសមស្រប តាមនយោបាយរួមរបស់ក្រសួង
- រៀបចំស្ថិតិលើការគ្រប់គ្រងបុគ្គលិក និងតារាងព័ត៌មានប្រតិបត្តិ
- គ្រប់គ្រងការងារសង្គមរបស់ក្រសួង
- សហការជាមួយបណ្តាអង្គភាព និងគ្រឹះស្ថានសិក្សាបច្ចេកទេសវប្បធម៌ ដើម្បីចូលរួមកសាងកម្មវិធីសិក្សា និងសកម្មភាពរបស់អង្គភាពទាំងនោះ សម្រាប់ការបណ្តុះបណ្តាលឲ្យស្របទៅតាមតម្រូវការអភិវឌ្ឍនៃសង្គមជាតិ
- លើកសំណើបង្កើត ឬរំសាយអង្គភាពនានា រៀបចំតួនាទី ភារកិច្ច កែសម្រួលរចនាសម្ព័ន្ធ តាមស្ថានភាពជាក់ស្តែង
- ធ្វើរបាយការណ៍សកម្មភាពការងាររបស់ខ្លួន
- ទទួលអនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន។
នាយកដ្ឋាននីតិកម្ម មានភារកិច្ចដូចតទៅ៖
- សិក្សា ស្រាវជ្រាវ ឯកសារច្បាប់ជាតិ អន្តរជាតិ និង លិខិតបទដ្ឋាននានាពាក់ព័ន្ធលើការគ្រប់គ្រងវិស័យវប្បធម៌ និងលើកយោបល់ជូនថ្នាក់ដឹកនាំក្រសួង
- រៀបចំ កសាងផែនការច្បាប់ និងលិខិតបទដ្ឋាននានារបស់ក្រសួង
- រៀបចំតាក់តែងសេចក្តីព្រាងច្បាប់ និងលិខិតបទដ្ឋាននានា លើវិស័យវប្បធម៌ ដោយធ្វើការទំនាក់ទំនងជាមួយអង្គភាពជំនាញ និងស្ថាប័នអ្នកច្បាប់
- ចងក្រង និងតម្កល់ទុករាល់ឯកសារច្បាប់ទាំងឡាយពាក់ព័ន្ធលើវិស័យវប្បធម៌
- ផ្សព្វផ្សយ និងតាមដានការអនុវត្តច្បាប់ និង លិខិតបទដ្ឋាននានារបស់វិស័យវប្បធម៌ ដល់បណ្តាអង្គភាពនាយកដ្ឋាន និងគ្រឹះស្ថានដែលពាក់ព័ន្ធ
- ធ្វើរបាយការណ៍ពីសកម្មភាពការងាររបស់ខ្លួន
- ទទួលអនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន។