- ភ្ជាប់ទៅគេហទំព័រដទៃ
- សារអេឡិចត្រូនិច
-
- ថ្ងៃពុធ ទី១៩ ខែមិថុនា ឆ្នាំ២០១៣
អគ្គនាយកដ្ឋានបច្ចេកទេសវប្បធម៌
អគ្គនាយកដ្ឋានបច្ចេកទេសវប្បធម៌ មានមុខងារអនុវត្តនូវរាល់បេសកកម្មរបស់ក្រសួង ក្នុងការប្រតិបត្តិនយោបាយលើ វិស័យអភិវឌ្ឍន៍វប្បធម៌ និងអប់រំសិល្បៈ ភាពយន្ត វីដេអូ និងពហុមេឌីយ៉ា សិល្បៈទស្សនីយភាព សិល្បៈសូនរូប និងសិល្បៈសិប្បកម្ម សៀវភៅ និងការអានសាធារណៈ។
អគ្គនាយកដ្ឋាន បច្ចេកទេសវប្បធម៌ មាននាយកដ្ឋានចំណុះចំនួន ៥៖
១. នាយកដ្ឋាន អភិវឌ្ឍន៍វប្បធម៌
២. នាយកដ្ឋាន សិល្បៈភាពយន្ត និងផ្សព្វផ្សាយវប្បធម៌
៣. នាយកដ្ឋាន សិល្បៈទស្សនីយភាព
៤. នាយកដ្ឋាន សិល្បៈសូនរូប និងសិល្បៈសិប្បកម្ម
៥. នាយដ្ឋាន សៀវភៅ និងការអាន។
នាយកដ្ឋានអភិវឌ្ឍន៍វប្បធម៌ មានភារកិច្ចដូចតទៅ៖
- លើកទឹកចិត្តរាល់សកម្មភាពវប្បធម៌ ព្រមទាំងរៀបចំចាត់តាំងបណ្តាការសម្តែងសិល្បៈវប្បធម៌ ពិពណ៌សំដៅធ្វើឲ្យមហាជនចាប់អារម្មណ៍ និងវប្បធម៌របស់ខ្លួន
- បំផុសនិងសម្រួលដល់សមាគមវិជ្ជាជីវៈផ្សេងៗក្នុងវិស័យវប្បធម៌ សំដៅលើកកម្ពស់មនសិកាវិជ្ជាជីវៈ ព្រមទាំងការពារផលប្រយោជន៍ស្របច្បាប់របស់គេ
- លើកទឹកចិត្ត និងត្រួតពិនិត្យចំពោះការថែរក្សារាល់សកម្មភាពវប្បធម៌ល្អៗរបស់ប្រជាពលរដ្ឋ តាមតំបន់ទូទាំងប្រទេស
- ធ្វើរបាយការណ៍ពីសកម្មភាពការងាររបស់ខ្លួន
- ទទួលអនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន។
នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ មានភារកិច្ចដូចតទៅ៖
- តម្រង់ទិស និងលើកទឹកចិត្ត ក្នុងការផ្សព្វផ្សាយវប្បធម៌ និងសិល្បៈ តាមរយៈភាពយន្ត វីដេអូ និង ពហុមេឌីយ៉ា
- សិក្សា និងអនុញ្ញាត ការធ្វើអាជីវកម្មសិល្បៈទី៧ ក្នុងរូបភាពជាភាពយន្ត និងវីដេអូ
- រក្សាឯកសារភាពយន្ត និងវីដេអូជាតិ
- អនុញ្ញាត និង លើកទឹកចិត្តធ្វើឲ្យអភិវឌ្ឍសិល្បៈទី៧ ក្នុងរូបភាពជាភាពយន្ត និងវីដេអូ
- ផលិត ផ្សព្វផ្សាយ គ្រប់គ្រង និងត្រួតពិនិត្យវិស័យវប្បធម៌តាមរូបភាព ភាពយន្ត វីដេអូ និង ពហុមេឌីយ៉ា ដោយសហការជាមួយក្រសួងពាក់ព័ន្ធ
- បណ្តុះបណ្តាល បំពាក់បំប៉ន មុខជំនាញភាពយន្ត និងវីដេអូ
- ធ្វើរបាយការណ៍ពីសកម្មភាពការងាររបស់ខ្លួន
- ទទួលអនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន។
នាយកដ្ឋានសិល្បៈទស្សនីយភាព មានភារកិច្ចដូចតទៅ៖
- លើកទឹកចិត្តការបង្កើតស្នាដៃធ្វើឲ្យសម្បូរបែបព្រមទាំងផ្សព្វផ្សាយយ៉ាងទូលំទូលាយនូវទស្សនីយភាពរស់ មានវិស័យ ល្ខោន អាយ៉ៃ ចាប៉ីដងវែង យីកេ តន្ត្រី របាំ សៀក និងទស្សនីយភាពប្រជាប្រិយប្លែកៗផ្សេងទៀត
- កំណត់នូវនយោបាយវិមជ្ឈការ អំពីជំនាញសិល្បៈចំពោះបណ្តាក្រុមសិល្បៈតាមខេត្ត-រាជធានី ទូទាំងប្រទេស
- សហការជាមួយសាកលវិទ្យាល័យភូមិន្ទវិចិត្រសិល្បៈ ក្នុងការបណ្តុះបណ្តាលសិល្បករ នៃវិស័យសិល្បៈរស់
- លើកឡើងនូវនយោបាយ អំពីការពិចារណា និងការកែសម្រួលបណ្តាវិជ្ជាជីវៈ និងការរៀបចំវិស័យសិល្បៈ
- សិក្សាអំពីសកម្មភាពទាំងឡាយ សំដៅពង្រីកទស្សនិកជន
- ធ្វើរបាយកាណ៍ពីសកម្មភាពការងាររបស់ខ្លួន
- ទទួលអនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន។
នាយកដ្ឋានសិល្បៈសូនរូប និងសិល្បៈសិប្បកម្ម មានភារកិច្ចដូចតទៅ៖
- ណែនាំ និង គ្រប់គ្រង លើគោលការណ៍ជំនាញ ដើម្បីពង្រឹងគុណភាពដល់បណ្តាលសមាគម អ្នកបង្កើតស្នាដៃ អាជីវករ សេវាករ សិល្បៈសូនរូប និងសិល្បៈសិប្បកម្ម ស្របតាមបេសកកម្មរបស់ក្រសួង
- ចងក្រងឯកសារសិល្បៈសូនរូប និងសិល្បៈសិប្បកម្ម ដើម្បីទុកជាក្បួនខ្នាតសម្រាប់កំណត់បទដ្ឋានបច្ចេកទេស
- បង្កើតកម្មវិធីបណ្តុះបណ្តាល និងផ្សព្វផ្សាយវិជ្ជាជីវៈសិល្បៈសូនរូប និងសិល្បៈសិប្បកម្ម ជូនដល់មហាជនដែលមានវិជ្ជាជីវៈសិល្បៈសូនរូប និងសិល្បៈសិប្បកម្ម
- តម្រង់ទិសបំផុសការបង្កើតស្នាដៃ និងលើកទឹកចិត្តដល់អ្នកបង្កើតស្នាដៃ ព្រមទាំងផ្សព្វផ្សាយក្នុងចំណោមមហាជន នូវរាល់រូបភាពសិល្បៈសូនរូប និងសិល្បៈសិប្បកម្ម
- ធ្វើរបាយការណ៍ពីសកម្មភាពការងាររបស់ខ្លួន
- ទទួលអនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន។
នាយកដ្ឋានសៀវភៅ និងការអាន មានភារកិច្ចដូចតទៅ៖
- ថែរក្សា ការពារ និងលើកតម្កើងរាល់ស្នាដៃសរសេរ ដែលបានរក្សាទុក និងតម្កល់ទុកតាមច្បាប់
- ទ្រទ្រង់ចំពោះសៀវភៅគ្រប់ប្រភេទ បង្កលក្ខណៈងាយស្រួលក្នុងការបង្កើតចេញជាសៀវភៅ និងជួយគាំពារចំពោះការផ្សព្វផ្សាយ
- ធ្វើឲ្យសៀវភៅទៅដល់មនុស្សគ្រប់រូប តាមរយៈការអានជាសាធារណៈ
- គ្រប់គ្រងបណ្ណាល័យជាតិ និងបណ្ណាល័យនៅតាមខេត្ត-រាជធានី
- អនុញ្ញាតឲ្យបើក និងត្រួតពិនិត្យបណ្ណាគារគ្រប់ប្រភេទ
- ធ្វើរបាយការណ៍ពីសកម្មភាពការងាររបស់ខ្លួន
- ទទួលអនុវត្តភារកិច្ចផ្សេងទៀត ដែលថ្នាក់ដឹកនាំក្រសួងប្រគល់ជូន។