- ភ្ជាប់ទៅគេហទំព័រដទៃ
- សារអេឡិចត្រូនិច
-
- ថ្ងៃអាទិត្យ ទី២៦ ខែឧសភា ឆ្នាំ២០១៣
ឯកឧត្តម ហ៊ឹម ឆែម រដ្ឋមន្ត្រី ក្រសួងវប្បធម៌ និង វិចិត្រសិល្បៈ ចុះត្រួតពិនិត្យគម្រោងជួសជុលចេតិយបុរាណ នៅភ្នំយ៉ាត ខេត្តប៉ៃលិន
ថ្ងៃអាទិត្យ ទី១៥ ខែ ឆ្នាំ២០១២
នាថ្ងៃទី១៥ ខែមករា ឆ្នាំ២០១២ ឯកឧត្តម ហ៊ឹម ឆែម រដ្ឋមន្ត្រី ក្រសួងវប្បធម៌ និង វិចិត្រសិល្បៈ បានដឹកនាំប្រតិភូមួយក្រុម រួមមាន ឯកឧត្តម ចំរើន វ៉ាន់ថា អគ្គនាយករដ្ឋបាល និង ហិរញ្ញវត្ថុ ឯកឧត្តម ឱក សុផុន អគ្គនាយកបច្ចេកទេសវប្បធម៌ ឯកឧត្តម ហាប់ ទូច អគ្គនាយកបេតិកភណ្ឌ ព្រមទាំងមន្ត្រីជំនាញក្រសួងមួយចំនួន និង លោក ព្យូន ម៉ោង ម៉ោង ប្រធានក្រុមហ៊ុន Seanet Technologies ចុះត្រួតពិនិត្យមើលគម្រោងជួសជុលចេតិយ នៅលើភ្នំយ៉ាត ខេត្តប៉ៃលិន ដើម្បីធានាឲ្យការជួសជុល នេះត្រឹមត្រូវ ទៅតាមលក្ខណៈបច្ចេកទេស និងរក្សាឲ្យបាននូវភាពដើមរបស់ចេតិយ។
គម្រោងជួសជុលចេតិយនៅលើភ្នំយ៉ាតនេះគឺទទួលបាននូវការជួយឧបត្ថម្ភ ពីសប្បុរសជនភូមា ដែលដឹកនាំក្នុងការជួសជុលនេះដោយលោក ព្យូន ម៉ោង ម៉ោង ប្រធានក្រុមហ៊ុន Seanet Technologies សហការជាមួយក្រសួងវប្បធម៌ និង វិចិត្រសិល្បៈ។
លោក ព្យូន ម៉ោងម៉ោង ប្រធានក្រុមហ៊ុន Seanet Technologies បានឲ្យដឹងថា ចេតិយបូរាណ ដែលកំពុងធ្វើការជួសជុលនេះ ធ្វើទៅតាមរចនាបទចាស់ពីបូរាណ។ រហូតមកដល់ពេលនេះការងារជួសជុលសម្រេចបានប្រមាណ៩០ភាគរយហើយ។
ឯកឧត្តម ហ៊ឹម ឆែម រដ្ឋមន្ត្រី ក្រសួងវប្បធម៌ និង វិចិត្រសិល្បៈ សូមថ្លែងអំណរគុណយ៉ាងជ្រាលជ្រៅចំពោះ សប្បុរសជនភូមា ដែលបានឧបត្ថម្ភថវិកាផ្ទាល់ខ្លួន ក្នុងការងារជួយថែរក្សា និងអភិរក្សចេតិយនេះឡើង ដើម្បីផ្សាភ្ជាប់ទំនាក់ទំនងសាមគ្គីភាព និងរក្សាកេរ្តិ៍ដំណែល ដែលជនជាតិភូមា បានកសាងចេតិយនេះ នៅខេត្តប៉ៃលិនជាច្រើនឆ្នាំមកហើយ។
ក្រសួងវប្បធម៌ និង វិចិត្រ ត្រៀមរៀបចំពិធីសម្ភោធ ចេតិយ នេះ នៅថ្ងៃទី៣ ខែមីនា ឆ្នាំ២០១២ ស្របពេលថ្ងៃទិវាវប្បធម៌ជាតិ ៣ មីនា លើកទី១៤ ដែលនឹងប្រារព្ធឡើងនៅខេត្តប៉ែលិន៕
